Jam en la Prahistorio

Home


Samseksemeco jam ekzistis en prahistorio
HISPANIO - 05-an de aŭgusto, 2010.

 

Seksaj praktikoj de prahistoriaj homoj "ne celis nur reproduktadon". Tion elmontras rokaj pentraĵoj de samseksema seksumado. La samseksemaj praktikoj ne estis tute strangaj en la periodo de Paleolitiko. Almenaŭ la organizintoj de la ekspozicio "Sekso en Ŝtono" montras indikojn de ĉi tiu pra-situacio.

La ekspozicio organizita de la Fonduso Atapuerca kaj la urbeto de Santillana del Mar montros multe de la erotikaj kutimoj de primitivaj grupoj, seksumado kun bestoj, seks-objektoj kaj -ludiloj, gadmesoj, midzado (buŝa seksumado),... tio estas speco da vortaro seksa en kiu samseksemaj rilatoj unuarangas. Per tiu ĉi ekspozicio, sciencistoj de Atapuerca volas rompi la pri-seksan tabuonkiun alfrontis historiistoj de la 19-a jarcento kaj montri, ke seksaj rilatoj de prahistoriaj homoj ne nur celis reproduktadon.

Marcos García Díez, kunordiganto de la prahistoriaj kavernoj de la hispana provinco de Kantabrio, kredas, ke la studoj ĝis nun realigitaj povas esti etikeditaj kiel kontraŭsamseksemaj, ĉar neniu el ili aludas al samseksemeco kaj tre malmultaj aŭdacas prezenti informojn pri la ceteraj seksaj praktikoj. Ankaŭ Eudald Carbonell, kundirektoro de la elfosaĵoj de la Sierra de Atapuerca,estas surprizita pro la silento pri samseksemeco, praktiko kiu tamen lasis multajn spurojn en diversaj eŭropaj lokoj.

En la ekspozicio, kiu estas inaŭgurota en septembro en la Fonduso Atapuerca kaj kiu en 2011 ankaŭ prezentiĝos en la nova groto de Altamira en Santillana del Mar, vizitontoj povos malkovri diversajn prahistoriajn pecojn - akvafortaĵojn, pentraĵojn kaj desegnojn faritajn en ŝtono kaj ostoj - kiuj donos larĝajn informojn pri la diversaj seksaj kutimoj. Tiel, en unu el la montraĵoj, kiu estis skulptita antaŭ pli ol 12.000 jaroj,oni povos vidi du virinojn kiuj frotas soajn sinojn kun amema sinteno, kaj alia desegnaĵo trovita en la franca kaverno de La Marche montros anusan koiton inter du viroj.

fonto:
http://www.eventeo.net/web/index.php/euxropo/kulturo/1897-samseksemeco-jam-ekzistis-en-prahistorio